MANIFESTACIÓN EN DEFENSA DO SECTOR DO MAR

Entidades e comercios que apoian a destrución do noso patrimonio natural

Segundo o propio perfil de facebook dos promotores do «proxecto». Animámosvos a todos/as a facerlle chegar a ditos locais e entidades o noso malestar con dita postura, así como a nosa opción de mercar noutros comercios máis comprometidos coa conservación da nosa paisaxe (ou cando menos non cómplices da súa destrución). 

Presentadas as sinaturas en defensa da Siradella

Entregando as sinaturas

Minicampo no Corgo

Onte mércores fixemos entrega por rexistro das 3500 sinaturas recollidas ata o de agora, xunto cun escrito argumentando a oposición ao ridículo proxecto de facer un campo de golf. Curiosa a argumentación de Méndez no Faro, para quen 3500 e 800 veñen sendo o mesmo.  

Ademais da entrega, colocamos 18 banderíns no parque do Corgo co lema «Non ao campo de golf na Siradella!»

En clave deportiva: Siradella – 3, golfos – 0,8

O reconto das sinaturas recollidas polo momento polos colectivos contra o proxecto de campo de golf na Siradella (Plataforma contra o campo de golf, A Figheira do Meco e Colectivo Ecoloxista do Salnés) chega ás 3152 sinaturas, 1055 na Web habilitada a tal efecto e as 2097 restantes en papel.

A procedencia dos asinantes é diversa, dado que se ben moitas son recollidas na propia vila, recolléronse sintaturas de persoas de diversas zonas do territorio galego, estatal e mesmo internacional. Destaca a enorme sorpresa e rexeitamento que dito proxecto provocaba nos asinantes, incrédulos de que un proxecto así se puidese sequera plantexar en plena Rede Natura en un marco de tanta beleza e simbolismo como as abas da Siradella.

A cifra de apoios recollidos pola defensa da Siradella e contra o campo de golf (recollida que continúa) contrasta coa cifra de apoios expresada polos promotores na súa web: 773 persoas no momento de redactar esta nota de prensa.

A acción dos colectivos contra o campo de golf potenciarase este outono, con novas actividades.

Lembra que podes seguir asinando en http://www.peticionpublica.es/?pi=P2011N9014

OUTRA PATALETA DO SR SÁENZ-DÍEZ

Este home non defrauda. Ante a proposta de Voz TV de facer unha reportaxe sobre o proxecto, entrevistando ambas partes, o Sr. Rafael di que «non quere polémicas»: se entrevistaban aos contrarios ao campo de golf (é dicir, aos defensores da Siradella), el non falaría.

Destacar a profesionalidade e dignidade dos xornalistas, que afirman non ceder á chantaxe, e negarse a facer unha reportaxe sen ambas visións.  Asimesmo, lembrar que nós non nos opoñemos a que o entrevisten a el, e estamos ao seu dispor para participar nun debate onde, cando e como queira. Os nosos argumentos son claros e defendibles, el saberá por que non quere dar a cara por un proxecto «tan bó».

 

Éxito da ruta contra o campo de golf

Algo máis dun cento de persoas participaron o pasado sábado na ruta contra o proxecto de campo de golf, organizada pola Plataforma, a Figheira e o CES. @s participantes atenderon as explicacións sobre os valores naturais, históricos e patrimoniais ofrecidas polos compañeiros, nomeadamente Martín «Peixe».

Non o van conseguir!

Este sábado á Siradella!

Rescatamos o adhesivo de Luita Verde contra o campo de golf de Domaio, en Moaña, a comezos dos 90. Anos despois, amosouse o pelotazo, e os problemas para os labregos do arredor.

Non ao campo de golf!

Roteiro en defensa da Siradella

Este sábado, ven con nós xantar, camiñar e reflexionar na defensa da Siradella:

A SGHN súmase á defensa da Siradella

A Sociedade Galega de Historia Natural (SGHN) ven de sumarse á defensa da Siradella e Feáns contra a ridícula pretensión de instalar un campo de golf nesta ubicación.

A SGHN  é unha respectada organización naturalista de ámbito galego con case 40 anos de percorrido, e que non precisa presentación no ámbito do estudo da nosa natureza.

Estamos entorno aos 850 asinantes na rede neste momento; se non asinaches aínda (na rede ou en papel), podes facelo aqui:

http://www.peticionpublica.es/?pi=P2011N9014

Non o van conseguir!

Cal é o modelo de uso do espazo público por parte dos que apoian o campo de golf?

REsposta Fighueira a Aguin

Os compañeiros da  Fighueira do Meco veñen de recibir críticas por parte dun concelleiro do PP pola xornada de xogos populares, quen sinalou que só era «armar barullo e pisar o céspede». Vemos o criterio dos que apoian o campo de golf: pódese eliminar un ecosistema singular e prioritario, pero non me pisen o céspede.

Quiza preferirían un campeonato de «Destruction Derby», con choques de coches ao American Style, tal e como os seus compañeiros de filas apoiaron en Sanxenxo.

Recomendamos vivamente ler a resposta da asociación (adxunta).